D’n achterhaam trekke

Höbbe is höbbe mer kriege is de kunst 

Det is mich geine sjäöt waerd 

Dao is gein hoes met te bezeile 

Lege taege de klippe vanne hel 

Ein gezicht höbbe wie ein gezet

Hae is anne pin 

Hae is ram nao de kloeëte 

Dae neet troetj, dae neet dougtj 

Kalle zonger bezeij 

Eder ’t zien en de kwaoje niks 

Det akkerdeertj toch neet zoeë good met ein 

Hie en taege en dao en tösse 

Hae geuftj wie ein vorse koe 

De ouge aop of de bujel 

De pastoeër duit ouch gein twieë misse väör ’t zelfdje geldj 

'n Vrouwehandj en eine paerstandj moge noeëts stil staon 

Emes duchtig äöver die näöj haoje 

Die haet eine haan de kop aafgebaete 

Hoeëgklummers en kloke zwummers, sterve zelje in bed 

Leedjes die gezónge waere (waerdje gezónge) mèt aod jaor.

Nujer, nujer zeut, ’t verke haet veer veut

en eine krómme rök,

ich bèn ....... ziene vlök.

(Op de puntjes waerdj den de naam of bienaam van de vader gezónge.)

Zaag 't hie rouke, kwaam d’r aan geloupe

of t’r niks gebakke is (ich zaag ’t aan de aovewès, det t’r get gebakke is)

is t’r niks gebakke, gaef eine korf vol appele.

Is de korf te groeët, gaef eine volle sjoeët

Vrouw, vrouw gaef, dedjer lang laeftj,

det gae riek en zalig waerdtj, vrouw, vrouw gaef.

Hiej woeëntj eine rieke man, dae get gaeve kan,

gaef get haot get, anger jaore weer get.

Noejaor, noejaor aodlandj.

Ketje haet zien gaat verbrandj achter aan ’t pörtje.

Vrouw gaef mich ein äörtje, vrouw gaef mich eine cent

Den bèn ich al content.